अमेरिकी राष्ट्रपति डोनाल्ड ट्रम्पले इरानको आणविक सामग्री सुरक्षित गर्ने वा बाहिर निकाल्ने रणनीतिमा परामर्श गरिरहेको खबर सार्वजनिक भएको छ ।
अमेरिकी राज्य नियन्त्रित सञ्चारमाध्यम ऋद्यक्को विशेष रिपोर्टअनुसार, इरानको आणविक भण्डार नियन्त्रणमा लिन सम्भावित विकल्पहरूबारे उच्चस्तरीय छलफल भइरहेको छ । यद्यपि, यस्तो कुनै सैन्य वा विशेष अपरेसनबारे अन्तिम निर्णय भने अझै गरिएको छैन र यसको समयसीमा पनि स्पष्ट छैन ।
रिपोर्टका अनुसार योजना मुख्यतः स्पेशल फोर्स (विशेष सैनिक) प्रयोग गरेर लक्षित अपरेसन सञ्चालन गर्ने सम्भावनामा केन्द्रित छ । यस्तो अपरेसनमार्फत इरानको संवेदनशील आणविक सामग्री कब्जा वा सुरक्षित स्थानमा सार्ने विकल्पमा छलफल भइरहेको जनाइएको छ ।
यदि यस्तो अपरेसन अघि बढाइयो भने, यसले प्रत्यक्ष सैन्य टकरावको खतरा बढाउने र क्षेत्रीय सुरक्षा अवस्था थप जटिल बनाउने अनुमान गरिएको छ ।
