काठमाडौं । रुसको राजधानी मस्कोको मेट्रो स्टेसनमा सोभियत संघका कम्युनिष्ट नेता स्टालिनको सालिक राखिएको छ ।
मस्को टाइम्सका अनुसार सन १९६० ताका तागान्काया स्टेसनमा राखिएको स्टालिनको सालिक स्टालिन विरोधी सोभियत सत्ता आएसँगै ढालिएको थियो । त्यही ढालिएको सालिक पुनः स्थापना गरिएको हो ।
गत हप्ताको बिहीबार सालिक सार्वजनिक रूपमा देखिएको मस्को टाइम्सले उल्लेख गरेको छ । दोस्रो विश्व युद्धको जितको भिक्ट्री परेड खेलिएको केहि समयपछि त्यो समयका सोभियत नेता स्टालिनको सालिक सार्वजनिक रूपमा देखिएको हो । मस्को टाइम्सका अनुसार पुटिनको २५ वर्षे कार्यकालमा स्टालिनका १०५ सालिक बनाइएका छन् ।
सन १९९१ मा सोभियत संघ विघटन भएसँगै नयाँ रुसमा सोभियत कालका सालिक थिएनन् । तर पछिल्लो समयमा यस्ता सालिक राख्न थालिएको छ । खासगरी स्टालिनका सालिकहरू राखिएका छन् ।
उनी कम्युनिष्ट विरोधी भएता पनि सोभियत संघको भूगोल र विरासतको भने पक्षधर हुन् । सोभियत संघ ढल्नुलाई उनले ‘शताब्दीकै एक दुःखान्त’ भनेर चित्रित गरेका थिए ।
विश्वमा पहिलो कम्युनिस्ट सत्ता शोभियत संघ पतनको ३५ वर्षपछि मस्कोमा स्टालिनको शालिक पुनस्र्थापना हुनुलाई अर्थपूर्ण मानिएको छ । शोभियत संघका संस्थापक भिआई लेनिनको निधनपछि सत्तामा आएका स्टालिनले सन् १९२४ देखि १९५३ सम्म शोभियत संघ हालको रुसको एकल सत्ता चलाएका थिए ।
