समाजवादी मोर्चाको आमसभामा प्रयोग गर्ने नेकपाको कारखाना सी गार्मेन्टमा बनाइएको छ । नेकपा, माओवादी केन्द्र, एकीकृत समाजवादीसम्मिलित मोर्चाले शुक्रबार (१५ चैत) काठमाडौंमा प्रदर्शन गर्दै छ । उक्त प्रदर्शनमा प्रयोग हुने झण्डा विप्लव नेतृत्वको नेकपाको कारखानामा बनाइएको हो ।
प्रदर्शनमा मोर्चाले एक लाखभन्दा बढी मानिस उतार्ने दाबी गरेको छ । माधव नेपाल नेतृत्वको दल नेकपा एसले नारा तयार गरेको छ । भ्रष्टाचार, सुशासन, महँगी सहकारी समस्यादेखि शिक्षकहरूको समस्यालगायत समेटेर १४ वटा नारा तयार गरेको छ ।
माओवादीले झण्डाका लागि चाहिने भाटा तयार गरेको छ । विप्लव नेतृत्वको नेकपाले आफ्नै ‘सी गार्मेन्ट’ मा झण्डा उत्पादन गरेको मोर्चाका नेताहरूले जानकारी दिए ।
नेकपाका पोलिटब्युरो सदस्य चिरन पुनले करिब एक लाख झण्डा उत्पादन भइरहेको बताए । यसअघि दलहरूले गर्ने जनप्रदर्शनका लागि बागबजारमा झण्डा तयार गर्थ्ये I तर, यसपटक गणतन्त्र पक्षधरहरूले गर्ने जनप्रदर्शनमा भने नेकपाको सी गार्भेन्टमा उत्पादित झण्डा प्रयोग हुने भएको हो ।
नेकपाले आफ्नो सी गार्मेन्ट उद्योग सञ्चालन गरिरहेको छ । अहिले नेकपाका नेता कार्यकर्ताले सी गार्मेन्टबाट बनेका कपडाहरु लगाइरहेका छन् ।
