गुल्मी । गुल्मीको सत्यवती गाउँपालिका वडा नं.३, ठूलो लुम्पेकस्थित संगंम युवा समूहले भलिबल खेलाडी लेसमन राहादी मगरलाई सम्मान गरेको छ ।
सम्मान कार्यक्रममा वडा अध्यक्ष जितु तरामु मगर, राजनीतिकर्मी खोमा तरामु मगर, ठूलो लुम्पेक स्वास्थ्य चौकीका प्रमुख तिलक राना मगरले बधाई दिएका थिए ।
बिहीबार एक कार्यक्रमको आयोजना गरि स्थानीय मगर बाजागाजा, सम्मान पत्र र नगद सहित राहादी मगरलाई सम्मान गरेको समूहका सचिव प्रदिप राहादी मगरले बताए ।
भलिबल खेलाडी लेसमन राहादी मगर भर्खरै श्रीलंकामा भएको अन्डर ट्वान्टी भलिबल खेलमा सहभागी भएर फर्किएका हुन् । उनी लगायत ३ जना लुम्बिनी प्रदेशबाट सहभागी भएका थिए ।
लेसमन राहादी मगर संगम युवा समूहबाट भलिबल खेल सुरू गरेर अन्तरास्ट्रिय खेलमा सहभागी हुनु समूहका लागि गौरवको बिषय भएकोले सम्मान गरिएको समूहका अध्यक्ष रेशम श्रीस मगरले बताए । कार्यक्रममा लेसमन राहादीकि आमा धनी राहादी मगरलाई समेत सम्मान गरिएको थियो ।
