गुल्मी । भलिबल खेलाडी हिमाली श्रीस मगरको स्मृतिमा संगम युवा समूहले आयोजना गरेको भलिबल प्रतियोगिताको उपाधि आयोजक संगम युवा समूह रातोले हात पारेको छ ।
नयाँ बर्ष २०८२ को सन्दर्भ पारेर आयोजना गरिएको प्रतियोगितामा कुँवर समाज अस्लेवा मचाकोट उपबिजेता बनेको छ । प्रतियोगितामा तेस्रो स्थान माछापुच्छे« क्लबले हात पारेको छ ।
प्रतियोगितामा बिजेताहरुले क्रमशः ३६ हजार, २० हजार र १० हजार, ट्रफी, मेडल र प्रमाणपत्र प्राप्त गरेका छन् ।
त्यस्तै प्रतियोगितामा महिलातर्फ माछापुच्छ«े क्लबले प्रथम र सिद्धबाबा युवा समूहले दोस्रो स्थान प्राप्त गरेका छन् । विजेताले क्रमशः १५ हजार र १० हजार, ट्रफी, मेडल र प्रमाणपत्र प्राप्त गरेका छन् । प्रतियोगितामा विभिन्न विद्यागत पुरस्कारहरु समेत वितरण गरिएको थियो ।
कार्यक्रममा दिवंगत हिमाली श्रीस मगरकी परिवारलाई सम्मान र प्रतियोगिता सम्पन्न गर्न आर्थिक तथा भौतिक सहयोग गर्ने सहयोगी दाताहरुलाई सम्मान गरिएको समूहका अध्यक्ष प्रदीप राहादी मगरले बताएका छन् ।
प्रतियोगितामा खेलाडीको उत्साहजनक सहभागी भएको र खेलाडीहरुले राम्रो खेल प्रदर्शन गरेको समूहका उपाध्यक्ष एवं खेल संयोजक प्रकाश श्रीस मगरले बताए ।
कार्यक्रमको फाइनलका साँझ हातेमालो नौमति मगर पञ्चेबाजा समूह कसिन्थला र स्थानीय कलाकारहरुद्धारा सांस्कृतिक प्रस्तुति समेत गरिएको थियो ।
कार्यक्रम सम्पन्न भएपछि बसेको समूहको समीक्षा बैठकले प्रतियोगिता सम्पन्न गर्न सहयोग गर्ने सबै पक्षलाई धन्यवाद ज्ञापन गरेको छ । संगम युवा समूह ठूलो लुम्पेक क्षेत्रमा स्थापित समूह हो । समूहले भलिबलको क्षेत्रमा प्रतिभाशाली खेलाडीहरुको उत्पादन गर्दै आएको छ ।
