गुल्मी । विप्लव नेतृत्वको नेपाल कम्युनिस्ट पार्टी गुल्मीले जिल्लाको धुर्कोटस्थित नयाँगाउँ रिपोटर्स युवा क्लबलाई खेलकुद सामग्री हस्तान्तरण गरेको छ ।
क्लबद्धारा दशैंको अवसरमा आयोजित खेलकुद तथा सांस्कृतिक कार्यक्रमको उद्घाटनमा खेलकुद सामग्री हस्तान्तरण गरेको हो ।
पार्टीका जिल्ला सचिब बसन्त सीले पार्टीको तर्फबाट दुई थान भलिबल, एक थान नेट (जाली) र एक थान पम्प हस्तान्तरण गरेका थिए । हस्तान्तरण कार्यक्रममा उनले युवाहरुको प्रतिभाहरुलाई विकास गरी खेलकुदको माध्यमबाट देश निर्माणमा महत्वपूर्ण योगदान पुगोस् भन्ने उद्देश्यले खेलकुद सामग्री हस्तान्तरण गरिएको बताए ।
खेलकुदले शारिरीक रुपमा मात्र नभएर यसले समाज रुपान्तरणमा टेवा पुग्ने भएकोले सामग्री हस्तान्तरण गरिएको पार्टीका धुर्कोट गाउँपालिका इन्चार्ज तारा सीले बताए ।
क्लबका अगुवा विवेक सीले दशैंको अवसरमा असोज २१ देखि २४ गतेसम्म महिला तथा पुरुष भलिबल प्रतियोगिताको आयोजना गरिएको बताउँदै नेकपाले खेलकुद सामग्री दिएर क्लबलाई महत्वपूर्ण सहयोग पुगेको बताए । उनले कार्यक्रमको अवसरमा विविध सांस्कृतिक कार्यक्रम समेत आयोजना गरिएको बताए ।
कार्यक्रमका लागि १ नं. वडा कार्यालयले समेत सहयोग गरेको क्लबका सचिव सञ्जीव केसीले बताए ।
