बुटवल । बुटवलको प्रतिष्ठित सामुदायिक विद्यालय कान्ति माध्यमिक विद्यालयको आगामी २०८२ असार २१ हुने व्यवस्थापन समितिको निर्वाचनका लागी स्वतन्त्र उम्मेदवार खडा भएका छन् ।
विद्यालयलाई राजनीतिक हस्तक्षेप मुक्त गर्ने अभियानका साथ उम्मेदवार दिनेहरुमा रामकृष्ण शर्मा, मित्र गिरी, संगीता पोखरेल र कमला पन्थी रहेका छन् । मतदानका लागी रामकृष्ण शर्माको क्र सं. १, मित्र गिरीको क्र सं.८, संगीता पोखरेल क्र.सं. ३ र कमला पन्थीको क्र.सं. १ रहेको छ ।
उनीहरुले विद्यालयलाई राजनीतिक हस्तक्षेप मुक्त बनाउने, गुणस्तरिय र समान शिक्षा दिने, शिक्षालाई सीपमुलक र रोजगारमूलक बनाउने, छात्रवृत्ति र सुरक्षित यातायातको व्यवस्था गर्ने, विद्यालयलाई पारदर्शी र सुसाशन कायम गर्ने, विद्यालयलाई देशकै नमुना बनाउने, आधुनिक प्रविधिमैत्री शिक्षण सिकाईको वातावरण गराउने, क्याम्पस तहसम्मको कक्षा संचालन गर्ने र नजिकका सामुदायिक विद्यालयलाई मर्ज गर्ने आदि प्रतिबद्धता गरेका छन् ।
उनीहरुले यी प्रतिबद्धताहरु पूरा गर्नका लागी स्वतन्त्र र जनपक्षीय उम्मेदवारहरुलाई मतदान गरी विजय गराउन अभिभावकसित अपिल गरेका छन् ।
लामो समय राजनीतिक हस्तक्षेपका कारण कान्ति माविको व्यवस्थापन समिति बन्न सकेका छैन ।
