बुटवल । कास्कीमा नेकपा सहित अन्य क्रियाशील पार्टीहरु नेपाल समाजवादी पार्टी , राष्ट्रिय जनमोर्चा , क्रान्तिकारी कम्युनिस्ट पार्टी, नेपाल कम्युनिस्ट पार्टी (बहुमत) सहित ५ पार्टीले पोखरा एयरपोर्टमा भएको भ्रष्टचार विरुद्ध सरकारलाई ध्यानाकर्षण पत्र पठाएको छ ।
त्यस्तै ज्ञापनपत्रमा फेवातालको अतिक्रमणबारे, मध्य पहाडी लोकमार्ग निर्माणमा भएको ढिलासुस्ती लगायतका यस क्षेत्रका विविध समसामयिक समस्याहरु समेटिएको छ ।
ज्ञापनपत्र पूर्वप्रधानमन्त्री तथा नेकपा (माओवादी केन्द्र) का अध्यक्ष प्रचण्ड र कास्कीका प्रमुख जिल्ला अधिकारी भरतराज पाण्डेमार्फत् प्रधानमन्त्री केपी शर्मालाई ८ बुदे ध्यानकर्षण पत्र बुझाइएको नेकपाका पोलिटब्युरो सदस्य साबित्री सीले बताएका छन् ।
