तमघास । नेकपा गुल्मीले जातीय तथा क्षेत्रीय मोर्चा संगठनहरुमार्फत् प्रमुख जिल्ला अधिकारी जनार्दन गौतममार्फत् प्रधानमन्त्री केपी वलीलाई ज्ञापनपत्र पठाएको छ ।
जिल्ला सेक्रेटरी बसन्त सीको नेतत्वमा गएको टोलीले प्रमुख जिल्ला अधिकारी गौतमलाई राजावादी तत्वहरुबाट तीनकुने, कोटेश्वर र जडीबुटी लगायतका क्षेत्रमा गरिएको तोडफेड, आगजनी, लुटपाट लगायतका घटनाबाट हुन गएको धनजनको उचित छानवीन गरी दोषीलाई कडा कार्वाही र पीडितलाई उचित क्षतिपूूर्ती दिन माग गरेको हो ।
त्यस्तै मागपत्रमा देशका भावी कर्णाधार जन्माउने शिक्षकहरुको आन्दोलन महिनौदेखि जारी भएको भन्दै उनीहरुको मागलाई सरकारले तुरुन्त पूरा गरेर शिक्षकहरुलाई विद्यालय विद्यालय फर्काउन र शिक्षा क्षेत्रको अध्यायन÷अध्यापन सुचारु गर्न र कक्षा १२ को परीक्षा सहज बनाउन सरकारको ध्यानाकर्षण गराएको छ ।
ज्ञापनपत्र बुझाउन श्रमिक समुदाय नेपाल जिल्ला संयोजक मैत नेपाली, नेकपा रेसुङ्गा नगर इन्चार्ज बाबुलाल सी, अखिल समाजवादीका जिल्ला अध्यक्ष सुशिल सी, अनेमसंघ क्रान्तिकारीकी अस्मिता सीलगायतको सहभागिता रहेको थियो ।
