गुल्मी । गुल्मीको सत्यवती मेलाको अवसरमा भलिबल प्रतियोगिता हुने भएको छ । प्रगतिशील समाज क्वाङले प्रतियोगिताको आयोजना गरेको हो ।
मेलाको पूर्वसन्ध्यामा कार्तिक २७ देखि २९ गतेसम्म भलिबल आयोजना गरिएको आयोजकले बताएको छ । भलिबल प्रतियोगिता साविक वडा स्तरिय हुने, प्रत्येक टिममा दुईजना खेलाडी खुला समावेश गर्न पाइने, सत्यवती गाउँपालिका वडा नं. ३ को हकमा हालका वडाभन्दा खेलाडी बाहिरको हुनुपर्ने तर पालिकाका अन्य वडा र अन्य गाउँपालिकाका हकमा लागु नहुने आयोजकले बताएको छ ।
प्रतियोगितामा ८ टिमलाई मात्र समावेश गरिने र लिग प्रणालीमा खेलाइने बताइएको छ । क्लब वा समूहहरुले कार्तिक २५ गतेसम्म टिम दर्ता गरिसक्नुपर्ने, कार्तिक २७ गते विहानबाट खेल सुरु गर्ने बताएको छ ।
प्रतियोगितामा बिजेताहरुलाई क्रमशः ४० हजार, २५ हजार, १५ हजार र ट्रफी, मेडल र प्रमाणहरुको व्यवस्था गरिएको खेल संयोजक तहलसिं राहादी मगरले बताए ।
