११ असोज, बुटवल। आज लगातार झरी पर्ने मौसमविदले बताएका छन् । भोलिदेखि भने पूर्वी भागतिर कम पानी पर्ने र पश्चिमतिर पानी पर्ने क्रम बढ्दै जाने पूर्वानुमान छ ।
नेपालमा मनसुनी वायु कायमै रहेका बेला बंगालको खाडीबाट जलवाष्पयुक्त वायु नेपाल प्रवेश गरेपछि त्यसैको प्रभावले देशभर वर्षा भइरहेको छ । त्यसको प्रभावले आइतबारसम्म सिमसिमदेखि भिषण वर्षासम्म हुनसक्ने प्रक्षेपण गरिएको छ ।
यस क्रममा केही स्थानमा भारीदेखि धेरै भारी वर्षाको पनि सम्भावना रहेकाले त्यसबाट हुन सक्ने विपदबाट जोखिन देशभर नै उच्च सतर्कता अपनाउन मौसमविदले सुझाव दिएका छन् ।
अहिले गुल्मी, पाल्पा, अर्घाखाँची, स्याङ्जालगायत देशैभर पानी परिरहेको छ ।
