सहिदको रगत

नबगेको कुनै गाउँ नै छैन
नढलेको कुनै ठाउँ नै छैन
सहिदको रगत, पसिना शरीर
नबुझेको कुनै भाषा नै छैन
नजोडेको कुनै नाता नै छैन
संसार जितेको सहिद बनेर
भिबोर्गदेखि भिमानसम्म
से–आन्तुआनदेखि सुखानीसम्म
स्टोनोमा होस् वा साङ्घाईमा होस्
भारतवर्ष, अफ्रिका, अस्ट्रेलिया
जहाँ उठे पनि मुक्तिको आवाज
एउटै भाषा हो, सभ्यता एउटै हो
स्वतन्त्र मानिस अन्तर्राष्ट्रिय जाति हो ।।

हट्नेछन् सीमारेखाहरू, लुटेराको दिन जानेछन्
विश्व हुनेछ हाम्रो मानव जातिको, शान्ति, समृद्धि र प्रगतिले
ब्रह्माण्ड छुनेछ अर्को जीवन नयाँ गतिसँगै
पूरा हुनेछन् सबै मानिसका अनन्त चाहनाहरू ।।

(बलिदान गाथा)