अर्घाखाँचीमा जिप दुर्घटना, १ जनाको मृत्यु

अन्दाजी २९ वर्षीय रामबहादुर नेपालीको मृत्यु

अर्घाखाँचीमा जिप दुर्घटना, १ जनाको मृत्यु

अर्घाखाँची । अर्घाखाँचीको भूमिकास्थान नगरपालिकामा जिप दुर्घटना हुँदा एक जनाको घटनास्थलमै मृत्यु भएको छ । जिल्लाको भूमिकास्थान, ढिकुराबाट डेभातर्फ जाँदै गरेको लु १ च ६१६८ नम्बरको डबल क्याप जिप भूमिकास्थान–९ तारिकेमा दुर्घटना भएको हो ।

दुर्घटनामा भूमिकास्थान–९ का गाडी चालक अन्दाजी २९ वर्षीय रामबहादुर नेपालीको मृत्यु भएको घटनास्थलबाट स्थानीय माधव घिमिरेले जानकारी दिए । गाडीमा चालकमात्र रहेको र सडकबाट करिब ५० मिटर तल खसेको बताइएको छ ।