नयाँ वर्षमा नयाँ सुरुवात : 'फोहोर व्यवस्थापन अभियान'

कुहिने र नकुहिने फोहोरलाई छुट्टै राख्ने अभियान सुरु

 नयाँ वर्षमा नयाँ सुरुवात : 'फोहोर व्यवस्थापन अभियान'

अनिल नेपाली / अर्घाखाँची : नव वर्ष २०७८ को अवसरमा सन्धिखर्क नगरपालिकाले कुहिने र नकुहिने फोहोरलाई छुट्टै राख्ने अभियान सुरु गरेको छ । प्लाष्टिक, रबर, नाइलन, धातु, खाद्य, काठ, सिसा, कागज लगायत फोहोरको वर्गीकरण अनुसार राख्ने अभियान थालिएको नगरपालिकाका प्रमुख प्रशासकीय अधिकृत कृष्णप्रसाद सापकोटाले जानकारी दिनुभयो ।

फोहोर व्यवस्थापन गर्न विभिन्न किसिमका चुनौती देखिएपछि अभियान थालिएको हो । दोस्रो चरणमा फोहोर व्यवस्थापनका लागि नगरपालिकाभित्र रहेका २८ वटा टोल सुधार समितिका अध्यक्षले त्यसको व्यवस्थापनमा लाग्ने सन्धिखर्क नगरपालिकाले जनाएको छ । कुहिने र नकुहिने फोहोर व्यवस्थापनका लागि छुट्टाछुट्टै गाडीको व्यवस्था गरिएको छ ।