सर्वोच्चको फैसलामा ओलीपक्षको बिरोध,अन्य दलहरूको स्वागत

रिपोर्टर्स क्लवद्धारा बुधवार बुटवलमा साक्षात्कार

सर्वोच्चको फैसलामा ओलीपक्षको बिरोध,अन्य दलहरूको स्वागत

 फागुन १३, बुटवल । बुटवल–सर्वोच्च अदालतले प्रतिनिधि पुनर्स्थापना गरेपछि प्रधानमन्त्री केपी ओली पक्ष चर्को आलोचनामा उत्रिएको छ भने अरु दलहरु फैसलाको स्वागत गर्दै संविधानको रक्षा र संसदीय सर्वोच्चता स्थापित भएको तर्क गर्न थालेका छन्।

रिपोर्टर्स क्लब नेपाल लुम्बिनी प्रदेश कार्यालय बुटबलमा बुधवार गरेको साक्षात्कारमा उपस्थित नेताहरुले आ(आफ्ना पक्षलाई तार्किक भन्दै पक्षपोषण गरे। 

नेपाली काङ्ग्रेस संसदीय दल लुम्बिनी प्रदेशका प्रमुख सचेतक फकरुद्धीन खानले जनताको अबमुल्यन गर्ने पात्र इतिहासबाटै हराउने बताए ।

नेकपा पार्टी भित्रको किचलोले मुलुकलाई बन्धक बनाउन नपाईने बताउदै सर्वोच्चले गरेको फैसलाको नेपाली काङ्ग्रेसले स्वागत गरेको बतादै उनले शासन व्यक्तिको नभई विधीको हुनु पर्ने बताए । खानले संघीयता शान्ति, विकास र समृद्धिको लागि सम्पूर्ण राजनीतीक शक्तिलाई समेटेर आवश्यक परे लुम्विीनी प्रदेश सरकारको नेतृत्व लिन काङ्गे्रस तयार रहेको उल्लेख गरे । 

नेकपा प्रचण्ड माधव पक्षका नेता प्रदेश सभा सदस्य विष्णु पन्थीले सर्वोच्चको निर्णयले नेपाली जनताको जित भएको उल्लेख गरे ।

उनले जनताले अस्थिरता नचाहेको बताउदै सर्वोच्चले मुलुकको हितमा ऐतिहासिक निर्णय गरेको बताए । अबको बाटो दलहरु मिलेर नै मुलुकलाई निकास दिनु पर्ने बताए ।

उनले राजनीतक शक्तिहरुको एकताको जरुरी रहेको बताउदै एकताले नै मुलुकलाई शान्ति र समृद्धिको बाटोमा लैजाने उल्लेख गरे ।  

त्यसै गरी ओली पक्षका नेता प्रदेश सभा सदस्य रामजी घिमीरेले सर्वोच्चको फैसलाले प्रश्नहरु खडा गरेको बताए। उनले कार्यकारीको अधिकार सर्वोच्चले रोकनु शक्ति पृथकीकरणको व्यवस्थाको अस्वीकार गरेको बताउदै जनताको सार्वभौ सत्तालाई सर्वोच्चले चुनौती दिएको समेत उल्लेख गरे ।

जनता समाजवादी दलका प्रमुख सहचेतक सन्तोष पाण्डेले सर्वोच्चले गरेको निर्णयलाई स्वागत गर्दै ओली सरकारको स्वइच्छाचारी कदमले मुलुक अन्यौलको अवस्थामा आएको बताए । उनले सर्वोच्चको आादेशले ल्ुम्बीनी प्रदेशवासीमा उत्साह आएको बताउदै अब आउने नेतृत्वले जनताको चाहाना अनुसार काम गर्नु पर्ने उल्लेख गरे । आवश्यक परे हाम्रो दल सरकार परिवर्तन गर्ने बताएका छन् । 

लुम्बिनी प्रदेश कानुन आयोगका सदस्य खुमानन्द पौडेलले अबको बाटो प्रधान मन्त्रीले १३ दिन भित्र बैठक आवाहन गरी संसद भित्रबाट विश्वासको मत लिनु पर्ने बताए । उनले बहुमतको प्रधानमन्त्रीले अन्य विकल्प हुदाहुदै संविधान विपरीत संसद विगठन गरेको हुदा सर्वोच्चले अन्य विकल्पमा जानु भनेर संसद पुर्नेस्थापना गरेको बताए ।

नेपाल बार तुल्सीपुर इजलास बुटबलका अध्यक्ष जोग बहादुर खत्रीले प्रधानमन्त्री ओलीले नैतीकताको आधारमा तत्काल राजीनामा दिई बाटो खुला गरीदिनु पर्नेमा जोड दिए । सर्वोच्चले उचित फैसला गरेकोले मुलुकलाई अराजकताबाट बचाएको जीकिर गरे । 

साक्षरतामा बोल्दै राजनीतीक विश्लेषक घनश्याम पाठकले नेतृत्व परिवर्तनले जनताको जीवनस्तरमा खासै तात्वीक भिन्नता नहुने बताएका छन् । संसद पुनस्थापना पछि संसदको किनबेचले मुलुक सहि गतिमा नबढ्ने ठोकुवा गरे । हरेक ठाँउमा संविधान उल्लगन गरीएको बताउदै संविधान विपरीत अगाडी बढ्दा मुलुकले सहि गति नपाउने बताए । 

साक्षता कार्यक्रम रिपोर्टर्स क्लब नेपाल लुम्बिनी प्रदेशका अध्यक्ष रामकुमार क्षेत्रीको अध्यक्षतामा सम्पन्नन भएको थियो । कार्यक्रममा न्यूज २४ का संवाददाता शिव डुम्रेललाई कानुन कल्याण परिषद् बुटवलको अध्यक्षमा निर्बाचित भएकोमा सम्मान गरीएको थियो ।