धनकुटामा मह काढ्दा बालेको बोराबाट सल्किएको आगोले घर जल्यो

धनकुटाको चौबिसे गाउँपालिका–२ मुढेवास ऐसेलुखर्कका मंगलसिंह याखाको घरमा आगलागी भएको छ । बिहीबार भएको आगलागीबाट तीन लाख २९ हजार सात सय रुपैयाँ बराबरको क्षति भएको छ ।

घरमा पालेको मौरीको मह काड्ने क्रममा बालेको बोराबाट घरमा आगो सल्किएर याखाको फुसको घर जलेर पूर्णरुपमा नष्ट भएको चौबिसे गाउँपालिका–२ का वडाध्यक्ष ममिन्द्र लिम्बुले बताए ।

आगलागीबाट घरमा रहेको लत्ताकपडा, गरगहना, खाध्यान्न, काठपात लगायतका सम्पुर्ण सामानहरु जलेको छ ।

याखाको घरमा आगलागी भएपछि चौविसे गाउँपालिकाका अध्यक्ष खजिन्द्र राई र उपाध्यक्ष यज्ञकुमारी रुचालसहितको टोली पीडितलाई एक बोरा चामल र नगद १५ हजार राहत स्वरुप प्रदान गरिएको वडाध्यक्ष लिम्बुले बताए ।