सुरक्षा रणनीतिवारे छलफल गर्न १२ जिल्लाका प्रजिअ र सुरक्षा प्रमुख रुपन्देहीमा भेला

बुटवल, प्रदेश ५ को प्रदेशस्तरीय सुरक्षा गोष्ठी रुपन्देहीको मणिग्राममा सुरु भएको छ ।
प्रदेशको आन्तरीक सुरक्षा अवस्था बुझ्न र थप सुरक्ष्ाँ रणनीति बनाउन गोष्ठी आयोजना भएको हो । प्रदेशको छुट्टै सुरक्षा संयन्त्र नभएका बेला कसरी सुरक्षा संयन्त्र बनाउने र प्रदेशको सुरक्षा व्यवस्था कसरी चुस्त पार्ने भन्ने विषयमा छलफल केन्द्रित हुने छ ।
गृह मन्त्रालयका प्रवक्ता रामकृष्ण सुवेदीले वर्तमान सुरक्षा अवस्था बुझ्दै भावी रणनीति बनाउन गोष्ठी आयोजना गरेको बताउनुभयो । यस्तो गोष्ठी सबै प्रदेशमा गर्ने गृहमन्त्रालयको योजना छ । गोष्ठीमा ५ नम्बर प्रदेशका १२ जिल्लाका प्रमुख जिल्ला अधिकारी र सुरक्षा प्रमुखको सहभागीता छ । गोष्ठीमा निर्देशनका लागि गृहमन्त्री रामबहादुर थापा नेपाल प्रहरी प्रमुख सर्वेन्द्र खनाल, ससस्त्र प्रहरी प्रमुख शैलेन्द्र खनाल लगायत आउनुभएको छ ।
गोष्ठीमा प्रदेश ५ का मुख्यमन्त्री, आन्तरीक मामिला तथा कानुन मन्त्री र सचिवहरु सहभागी हुनुभएको छ । गोष्ठीले आजै प्रदेश ५ को सुरक्षा रणनीति तयार गर्ने छ ।